Ania ang mga importanteng kasayuran kabahin sa African Swine Fever kon ASF gikan sa Municipal Agriculturist sa lungsod sa Balamban, Felojyn Pepito Sundo

Ang maong opisina inubanan sa PNP nagpatuman og animal quarantine checkpoint sa barangay Arpili ug Nangka basi sa mando ni Mayor Ace Stefan Veloso Binghay , subay sa Executive Orders nga gilagdaan ni Gov. Gwen Garcia
Palihug basaha ang mosunod nga mga impormasyon:
Sa tanan natong mga katagilungsod sa Balamban nga nagbuhi og baboy, kining ania sa ubos mao ang color coded ASF PH Map Status sa Cebu Province ug sa movement flow sa pagdala og buhi nga baboy, karne ug mga produkto gikan sa karneng baboy.
Palihug ato jud kining tamdan. Importante magtinabangay kita aron sa pagpugong pagkuyanap sa sakit nga ASF.
Palihug sunda kining mga sugyot:
a) Gamit og kasaligan nga feed, ayaw tong lamaw nga gikan sa mga karenderya ug restaurant
b) Batasana ang paglimpyo sa mga tangkal sa baboy, gamit og disinfectant, mapalit diha sa mga agrivet supplies
c) Likaye nga mag sulod-gawas ang laing tawo diha sa alad o tangkal gawas lang sa tigpakaon niini
d) Ikaw nga tigpakaon, pag disinfect usab sa dili paka mupakaon sa baboy
e) Pagbutang og tumbanan o footbath nga naay disinfectant aron kon duna gyuy laing tawo pananglit mamalit og baboy, mag disinfect usab
f) Maayo nga ideya ang pagkoral sa alad aron dili sayon-sayon sa uban ang pagsulod niini
Magtibangay gayud kita, kon duna moy mamatikdan nga adunay mga baboy nga nangasakit, pahibawo dayon kamo sa atong opesina, tx o tawag sa numero 09215847536, 09691334825 o 09175312329.
Mga Balambanganon, magtinabangay kita!