Balik Eskwela 2022 Libreng School Supplies


August 19, 2022

Gitapok ni Mayor Ace Stefan Veloso Binghay ang mga membro sa Sangguniang Bayan, Local School Board, LGU-Department Heads, mga kapitan, SK Chaipersons, PNP-Balamban ug BFP-Balamban aron sa pagpangandaman sa umaabot nga pag-abli sa klase karong Lunes, Agosto 22, 2022.
Tumong sa maong miting nga masiguro ang seguridad ug safety o kahilwasan sa mga magtutungha ug magtutudlo sa pagbalik sa face-to-face classes human kita nakasinati sa COVID-19 nga pandemya.
Adunay giporma nga task force nga maoy gitugyanan ni Mayor Ace sa pag-evaluate ug pagtubag sa mga panginahanglan sa mga tunghaan. Ang maong task force gilangkoban sa PNP, BFP, MDRRM, Rural Health Unit, Engineering Office, BATOM ug ang Human Resource Office sa LGU-Balamban.
Ang matag barangay kon diin adunay eskwelahan nga namuntar, mag- assign pud ug mga tanod sulod mismo sa tunghaan ug sa kadalanan aron sa pagsiguro sa hapsay nga sitwasyon sa trapik.
Mobalik pud ang pangpanghatag og mga libreng school supplies alang sa tanang estudyante sa pampublikong eskwelahan sa Balamban. Ang libreng school supplies magsilbi nga abag aron dili madak-an sa galastuhan ang mga ginikanan.
Bu-ot pud ipasabot ni Mayor Ace nga tungod sa mga legal nga proseso nga gimando sa gobyerno nga angay sundon sa pagpalit sa maong mga supplies, ma-delay og gamay ang distribution niini. Bisan paman dili madungan sa Agosto 22 ang pag-apud-apud sa mga school supplies, labing siguro nga mahatagan gayud ang tanang public school students sa Balamban.

 

About Us

Office Hours

Office Hours:
Open Monday to Friday
8:00 AM - 5:00PM
for public services

Contacts

Telephone Numbers:
(032) 254 2171
(032) 254 2173
(032) 254 2175
(032) 345 8220

Email Add: lgu_balamban[at]yahoo.com

Visitor Counter

Location

Facebook Page

Republic of the Philippines

All content is in the public domain unless otherwise stated.

About GoVPH

Learn more about the Philippine government, its structure, how government works and the people behind it.

GOV.PH
Open Data Portal
Official Gazette
To Top
© Municipality of Balamban, Cebu. All rights reserved. Powered by .