Disaster Preparedness Equipment alang sa 28 ka Barangay sa Balamban


December 5, 2022

Dec. 5, 2022, ang matag barangay sa Balamban nakadawat og generator set ug chainsaw gikan sa lokal nga pang gobyerno sa Balamban
Nahimatngonan sa mga opisyales sa lungsod ang importansya nga adunay andam nga mga ekwepo ang matag barangay ilabi na panahon sa kalamidad og emerhensya. Kini ang nahimo nga leksyon panahon sa bagyong Odette sa niaging tuig.
Giawhag ni Mayor Ace Stefan Veloso Binghay ug Vice Mayor Alfie Binghay ang mga opisyales sa barangay ug tanod nga mitambong sa maong seremonyas nga ampingan ug gamiton gayud sa insakto ang maong mga ekwepo aron kini mapahimuslan ug molungtad og dugay.
Gipahigayon sab sa mga representante sa supplier ang “product demo” atubangan sa mga opisyales ug tanod.
Isip Presidente sa Association of Baranagy Councils sa Balamban, mapasalamaton si Hon. Thymus Gonzalez sa inisyatiba ni Mayor Ace Binghay ug SB Council.
Pinaagi sa gihatag nga generator set ug chainsaw, aduna nay magamit ang mga responders sa barangay ug mas makatabang na gayud sa pagpangandam kon adunay umaabot nga bagyo, pag responde panahon sa emerhensya ug clearing operation liwas sa kalamidad.
Mapasaligon ang mga opisyales sa lungsod sa Balamban nga aduna pay mga umaabot nga assistance alang sa disaster preparedness/response sa matag barangay.

About Us

Office Hours

Office Hours:
Open Monday to Friday
8:00 AM - 5:00PM
for public services

Contacts

Telephone Numbers:
(032) 254 2171
(032) 254 2173
(032) 254 2175
(032) 345 8220

Email Add: lgu_balamban[at]yahoo.com

Visitor Counter

Location

Facebook Page

Republic of the Philippines

All content is in the public domain unless otherwise stated.

About GoVPH

Learn more about the Philippine government, its structure, how government works and the people behind it.

GOV.PH
Open Data Portal
Official Gazette
To Top
© Municipality of Balamban, Cebu. All rights reserved. Powered by .