Skip to main content

Hatud Pangalagad 2023


January 5, 2023
Hatud Pangalagad 2023
Mga programa ug serbisyo gikan sa lokal nga pang-gobyerno sa Balamban ipaduol sa katawhan. Mga libreng serbisyo kauban ang mga nasyonal nga ahensya sa gobyerno ihatud sa matag barangay sa lungsod sa Balamban.
Karong buwan sa Enero mobisita ang mga sakop sa LGU-Balamban ug National Agencies sa Barangay Cabagdalan ( Jan. 13) ug Barangay Sunog (Jan.27). Bisan pa man ikaw dili lumulopyo sa nahisgutan nga barangay, basta taga Balamban, mahimo ka gihapong makapahimulos sa mga libreng serbisyo, sama sa:
1. Medical Check-up nga adunay libreng tambal ug vitamins
2. Blood Sugar testing ug blood typing
3. COVID-19 vaccination ( adunay pakapin nga grasya)
4. Dental Services ( check-up ug ibot sa ngipon)
5. Libre ang mga lokal nga dokyumento sama sa birth, marriage ug death certificates, hasta ang late registration
6. Libre ang local fees sa paglukat sa PSA documents sama sa CENOMAR. BIRTH, MARRIAGE
7. Libreng binhi sa utanon
8. Bakuna sa mga binuhing hayop sama sa iro, iring, baka, kabaw, kanding
9. Anaa pud ang opisina sa Social Welfare alang sa pagpang-rehistro sa senior citizens, solo parents ug PWDs
10. Ang PNP mo-issue og libreng Police Clearance. Manghatag pud ang maong ahensya og libreng pospas (lugaw) ug tsinelas
11. Libreng TUPI gikan sa mga myembro sa Philippine Army kauaban ang mga empleyado sa munisipyo.
12. Aduna puy mga goods gikan sa BJMP alang sa mga kabatan-unan
13. Ang mga personnel sa Bureau of Fire Protection magpahigayon og orientation kabahin sa Fire Safety ngadtu sa mga opisyales sa barangay ug tanod.
14. Adunay Basic Life Support training nga etudlo ang MDRRM/EMS ngadtu sa mga barangay tanod
15. National ID PhilSys registration
16. Libreng ID picture
17. Libreng bunyag
18. Libreng kasal
19. Libreng legal consultation ug notaryo sa mga simple documents
Atangi kami sa inyong barangay o bisita sa pinakaduol nga barangay diin ipahigayon ang Hatud Pangalagad.
Daghang salamat.