Skip to main content

Mibisita si Mayor Ace Stefan Veloso Binghay sa mga Tunghaan nga ania Nahimutang sa Along the Road Barangays


August 22, 2022

Agosto 22 – Sa unang adlaw sa pag-abli sa school year 2022-2023, mibisita si Mayor Ace Stefan Veloso Binghay sa mga tunghaan nga ania nahimutang sa along the road barangays.
Tungod ang mga eskwelahan man nga ania sa poblacion ang adunay pinaka dagko nga populasyon o enrollees, bu-ot nga personal nga masusi ni Mayor Ace ang sitwasyon sa mga estudyante ug mahibaluan ang dugang nga panginahanglanon sa mga tunghaan.
Sa maong pagbisita, gipahinumduman ni Mayor Ace ang mga principals mahitungod sa ipanghatag nga libreng school supplies, maong pahimangno sa mga magtutudlo nga dili lang usa mohatag og lista sa mga palitunong mga gamit pang-eskwela.
Paningkamutan nga masugdan dayun ang distribution sa mga libreng school supplies kung mahuman ang delivery niini karong semanaha.
Kauban sa mga kawani sa lokal nga pangagamhanan sa Balamban, nanghatag pud si Mayor Ace og mga “ non- contact infrared thermometer” sa Arpili Elementary School, Buanoy CS & NHS, Abucayan ES, Cornelio Melgar ES, Jose Chona Jo ES & NHS, Nangka ES & NHS ug Balamban Central School.
Matag tunghaan adunay mga pulis ug tanod nga na-assign. Nasuta nga sadya og hapsay ang pagbalik sa klase sa 2022.