Public Advisory: Temporary Road Closure
August 30, 2023
Gipahibalo ang publiko nga adunay TEMPORARY ROAD CLOSURE sugod September 4 hangtud Oct. 10, 2023 sa dalan atubangan sa Sports Complex, RHU Building ug Senyang Pharmacy (gikan eskina padulong sa Munisipyo hangtud sa eskina padung Balamban Central School ).
Kini aron paghatag konsiderasyon sa mga aktibidad sa umaabot nga kapistahan ni Senior San Francisco de Assisi. Ug karong tuiga, sa nahisgutan nga dalan mahimutang ang Balamban Food Park.
Aron masiguro ang kahapsay sa dagan sa trapiko, adunay gigahin nga mga alternative access routes alang sa mga private ug pangpublikong sakyanan.
Palihug atangi ang mga dugang nga announcements kabahin niini.
Salamat sa inyong kanunay nga pagsabot.
