Skip to main content

UPDATE ‼ Please read and be guided


March 13, 2024

Karong Marso 16, 2024, isip pagsaulog sa ika-67 nga Anibersaryo sa Kamatayon ni Presidente Ramon Magsaysay Sr., ipahigayon sa LGU-Balamban ang pinaka-una nga “MT. MANUNGGAL FUN WALK”
Mga giya:
1) Abli ang fun walk alang sa tanang adunay himsog nga panglawas. Para sa nagpangidaron og 18 anyos paubos, kinahanglan nga aduna’y parent’s consent ihatag ngadto sa registration.
2) Aduna’y lima (5) ka mga kategoriya: MALE (17 anyos paubos), MALE (18 anyos pataas) , FEMALE(17 anyos paubos), FEMALE(18 anyos pataas), and FAMILY (atleast 3 members).
*Lahi ang category sa mga empleyado sa munisipyo
3) Dili kini fun run o marathon. “Fun Walk” kini , busa ang mga mosalmot kinahanglan nga maglakaw lamang o mohinay og dagan (jog) basta kanang dinaganan nga dili panglumba.
4) Sa takna nga alas 4 sa kaadlawon sa Marso 16, 2024, kinahanglan nga morehistro ang tanang mosalmot sa atong on-site registration area nga anaa mahimutang sa atubangan sa municipal building.
5) Gihangyo ang tanang mosalmot nga magsul-ob og sports attire: shorts/jogging pants, komportableng t-shirt, ug rubber shoes.
6) Traynta minutos sa dili pa magsugod ang fun walk, tawagon na ang tanan nga mosalmot alang sa pagtapok sa atong assembly area para sa warm-up exercise ug pipila ka mga pahinumdom.
7) Magsugod ang fun walk sa takna sa alas 5 sa kaadlawon sa Marso 16, 2024.
😎 Mao kini ang rota – Start: Atubangan sa Munisipyo Finish: Mt Manunggal Pavilion
9) Aduna’y mga marshals nga mag-monitor para sa kasigurohan sa kaluwasan ug kalinaw sa tanan.
10.) Adunay unom (6) ka stations kon diin e claim sa participants ang “cord” nga maoy timailhan nga nakaabot ka sa maong station. Mao pud kini ang magsilbing “water station”
11.) Ang matag participant kinahanglan maka kolekta og unom (6) ka cords dayung abot sa FINISH LINE.
12.) Samtang nagpadayun ang FUN WALK, ginadili ang pag-angkas og pagsakay. Mga HONEST baya ta.
13.) Pananglit maka-decide ang participant nga dili na magpadayun sa contest, palihug hunong sa station ug e surrender ang race number. Kung layo pa sa sunod nga station mahimong mag-atang og marshal ug e surrender ang race number.
14) Wala’y free ride padulong og uli. Aduna gayuy guidelines gikan sa Nasyonal nga Pang-gobyerno nga nagdili sa mga government-owned vehicles sama sa dump truck ug pick-up sa pagkarga og pasahero sa luyo niini. Nanghinaut sa inyuong pagsabot.
15.) Adunay free snacks sa tanang morehistro. Adtu e claim sa Mt. Manunggal Pavilion
16.) Libre kining FUN WALK, walay registration fee. Lingaw-lingaw ra kini, apan adunay premyo isip reward sa inyong kahago.
Daghang salamat!